<EMBED SRC="http://www.norbert26.com/midi_1/candleinthewind.mid" autostart="true" loop="9"> <EMBED SRC="http://www.ex-designz.net/midiswav/Filipino_Midi/balelengurbanflow.mid" autostart="true" loop="9"> BAHAY KUBO ni Lolo....

Sunday, June 19, 2005

Artwork - Kathang Isipan at Kamay

Free Image Hosting by www.NetFreeHost.com
Artwork by: mishu 2005

Eto'y gawa ng aking mabait na dalaga
Kanyang nilahad isang magandang katha
Sa isipan nabuo "piece of art" na gawa
Kasiyahan ng isang ina eto'y aking ipapakita.

Free Image Hosting by www.NetFreeHost.com

Artwork by: mishu 2005

Tuesday, June 07, 2005

Kubo ay Aking Nakaligtaan

Ang bahay kubo'y aking nakaligtaan
Di ko man lang nasilip at napasukan
Sa dami ng inaasikasong ibang larangan
Bahay Kubo ni lolo'y di man lang nadaanan.

Magandang Araw Bayan, aking muling buksan eto
Ng hindi naman magtampo ang yumaong kong lolo
Kahit papaano siya pa din ay nasa isip na ninuno
Dahil mga alaala'y kanyang lahat iniwan sa mundo.

Bahay kubo na eto ay sadyang itinayo dito
Para malibang sa pagsulat na laman ng isip ko
Pag walang magawa o kaya nalulumbay ng totoo
Takbo lang ako dito sa sitiong bahay kubo.

Mga preskong pagkain at paligid ay mahangin
Bahay kubo ni lolo wala talagang kahambing
Pag may problema bahay kubo ay aking bisitahin
Ng maliwanagan ang mga hakahaka na puno ng damdamin
Dito ibulaslas mga nasa isipan ng di tuloy bubugnutin.

Tuesday, May 24, 2005

Pagbati Sa Dalawang Kaibigan

Para Sa inyo Melanie at Pumpkin...

Free Image Hosting by www.NetFreeHost.com

Isang kaugalian ating nakagisnan at natutunan
Pagpasok sa bahay o kaya sa ganitong larangan
Papugay at pagbati sa aking mga tunay na kaibigan
Eto'y dapat iparamdam sa kanila ang kahalagahan
Naumpisahang pagkakaibigan sa larangan at harapan
Sila'y napasok sa Bahay Kubo na aking naumpisahan.

Maraming Salamat sa inyong pagdalaw dito
Sa munting sitio, larangan ng Bahay Kubo
Ms Tapya at Kalabasa na mga kaibigang totoo
Pagdalaw niyo dito'y kinagagalak ng puso ko.

Sa maigsing panahon, tayo'y nagsama sama
Tunay na ugali ang inyong mga ipinakita
Labis na pasasalamat galing sa aming magina
Masayang Kahapon amin pa ring naaalala
Ang kabaitan niyo'y di pwedeng ikumpara.

Mga katangian niyong dalawa na laging taglay
Kasiyahan sa mukha,ngiti sa labi inyong inalay
Di maihahambing kahit sa ano pang bagay-bagay
Yan ay aming nakita sa inyo sa tunay na buhay
Kaya etong tula sa Bahay Kubo ay aking papugay.

Sunday, May 22, 2005

Kaugalian Ng Mga Pilipino

Free Image Hosting by www.NetFreeHost.com


Ang PAGMAMANO ay isang kaugaliang Pilipino.
Katangian na taglay ng kapwa ko mga pango
Pag umuwi sa bahay, sinasagawa ang pagmamano
Sa mga magulang at nakakatanda sa iyo
Diyan pinapakita ang tunay na respeto
Abot ang kamay nila at nilalagay sa noo.

May mga katangian sa nayon, meron ding kapintasan
Paguugaling kinagisnan nung tayo'y nasa kabataan
Minulat ng mga lolo at lola sa ating mga magulang
Na atin ding nakuha nung tayo'y pinapangaralan.

Maliit man ang nayon na ating kinagisnan
Doon'y magkakakilala lahat na magkababayan
Kung sa bahay mo'y merong kang kinakailangan
Lipat bahay ka lang at ikaw'y kanilang hahagisan.

Sibuyas, bawang, bagoong, asin o kaya suka
Pag wala sa iyong kusina, sigaw ka sa bintana
Kapitbahay sa kabila ngalan ay si Aling Maria
Siya'y nakahandang magbibigay kung anong wala ka
Kaya buhay sa nayon ay sadya namang napakaganda.

Eto pa ang masarap sa magkakapitbahay sa bayan
Pag nakaluto na si Aling Tina'y dala na ang pinggan
Sangkatutak na ulam, pati na rin sabaw kanyang papatikman
Yan ba naman ay mahahagilap mo sa banyagang bayan?

Ang Aming Maralitang Nayon

doon po sa aming maralitang nayon
isang tunay na maton noong unang panahon
sa bayan na aking kinagisnan doon bumangon
pinanganak ang isang katangiang panglupon
tinayo ang bandila ng mga mamamayan dun.

Free Image Hosting by www.NetFreeHost.com

tumayo si amang diego na isang maralita
hinarap ang mga taong mapagsamantala
bagkus na katangian kanyang pinakita
sa mga kanayon siya ay isang dakila.

dumaloy ang dugo sa isang himagsikan
isang diego silang ang kanyang pangalan
sa bansa'y pinakita ang tunay na katarungan
itinayo ang kanyang maralitang kababayan
at pinakita ang kanyang tunay na kabangisan.

Free Image Hosting by www.NetFreeHost.com

sa kabila naman ng mga himagsikan
ipinanganak doon ang isang kagandahan
gloria diaz naman ang kanyang pangalan
kung sa ganda at galing ay hinahangaan
binulaslas ang kanyang tunay na katangian
mayumi, malambing, mahinhin na kagandahan
sa buong mundo siya'y talagang hinangaan.

isang dalagang ang pangalan ay gloria
tinayo at winagayway Pilipinas na bandila
sa kagalingan at sa kagandahan tumayo siya
buong mundo'y nakita, isang tunay na pilipina
doon po sa amin siya'y pinanganak at nagsimula.

Wednesday, May 18, 2005

Leron Leron Sinta

Free Image Hosting by www.NetFreeHost.com

Leron, leron, sinta,
Buko ng papaya,
Dala dala'y buslo
Sisidlan ng sinta;
Pagdating sa dulo'y
Nabali ang sanga,
Kapos kapalaran
Humanap ng iba.

Halika na Neneng, tayo'y manampalok
Dalhin mo ang buslo, sisidlan ng hinog
Pagdating sa dulo'y uunda-undayog
Kumapit ka Neneng, baka ka mahulog.

Halika na Neneng at tayo'y magsimba
At iyong isuot ang baro mo't saya
Ang baro mo't sayang pagkaganda-ganda
Kay ganda ng kulay -- berde, puti, pula.

Ako'y ibigin mo, lalaking matapang
Ang baril ko'y pito, ang sundang ko'y siyam
Ang lalakarin ko'y parte ng dinulang
Isang pinggang pansit ang aking kalaban.

Bahay Kubo

Free Image Hosting by www.NetFreeHost.com

BAHAY KUBO, kahit munti;
Ang halaman doon ay sari-sari.
Singkamas at talong, sigadilyas at mani
Sitaw, bataw, patani.
Kundol, patola, upo't kalabasa
At saka mayroon pang labanos, mustasa,
sibuyas, kamatis, bawang at luya
sa paligid-ligid ay puro linga.

Free Image Hosting by www.NetFreeHost.com

Ang Bayang Sinilangan

Kumusta ka Bayan! aking bubuksan
Ang sitio ng bayang kinagsinan
Eto'y karugtong ng barriong larangan
Dito ipagpatuloy ang mga kwentuhan.

Ating sabayan din ng lumang tugtugin.

Image hosted by Photobucket.com